BREAKING NEWS

PAETE, LAGUNA–Naglaan ng priority lane para sa mga PWD, senior citizens at mga buntis

Charlene Mae ArkainaMay 13, 20191min590

Beverly Balmoria, AJA Villar

Ang Ibaba Elementary School, isa sa mga tatlong paaralaang ginagamit bilang presinto sa Paete, Laguna ay naglaan ng priority lane para sa mga PWD, senior citizens at mga buntis bagama’t mahaba pa rin ang pila sa kanilang cluster. Ang priority lane ay upang mas mapadali ang kanilang pagboto at hindi na pumila nang matagal at mabilad sa init.

Ganap na ika-lima ng hapon ay patuloy pa rin ang pagpasok ng mga botante sa paaralan. Ayon kay Frederick Dayo, lider ng isang partido sa Paete, maayos ang daloy ng botohan sa Barangay Ibaba. Aniya, dumagsa ang mga botante noong ika-walo ng umaga hanggang ika-siyam ng umaga, ngunit maluwag na ang dalawa sa tatlong cluster precincts sa paaralan.

Inaasahan pa rin na magpapatuloy ay pagdating ng ilan sa mga botante ng barangay hanggang mamayang ika-anim ng gabi.

Charlene Mae Arkaina


Leave a Reply

Your email address will not be published. Required fields are marked *


About us

This is a partnership among different academic and media institutions in Laguna to promote voters education and provide local election coverage. Bantay Halalan Laguna 2019 is a public service initiative of the UPLB College of Development Communication.


CONTACT US

CALL US ANYTIME



Latest on Twitter



Newsletter